Kryeministri Edi Rama ka mbledhur me urgjencë kabinetin qeveritar, rreth tetë orë pasi tërmeti i fuqishëm ‘shkundi’ gjithë Shqipërinë dhe la pas 105 persona të plagosur.
Teksa mbajti fjalën e tij, Rama theksoi falenderoi strukturat përgjegjëse për ndjekjen e situatës. Kryeministri theksoi më tej se sistemi i emergjencave dhe ndjekja e situatës në territor ka funskionuar mjaft mirë.
Kreu i qeverisë u shpreh gjithashtu se i gjithë shteti është në këmbë për shkak të ëksaj situate.
“Falenderoj, të gjithë ekipet drejtuese të shëndetësisë për gatishmërinë e madhe gjatë gjithë orëve pas tërmetit. Përgëzoj Ogertën pasi e ka kryer me shumë përkushtim dhe rezultat detyrën e saj për ndërgjegjësimin në raste emergjencas. Dhe për ndjekjen në terren të situatës. Dua të nënvizoj se më vjen mirë që ka fuksionuar sistemi i emergjencave dhe organizimi në të gjithë territorin ku makineria komplekse faktikisht nuk është gjendur e papërgatitur.
Për shkak se unë nuk u gjenda këtu kam pasur mundësi ta konstatoj nga fluksi i informacion që merrja nga grupet e Ëhats appit që janë organizuar për situata të tilla. Vlen të jemi të inkurajuar. Ju falenderoj për gatishmërinë e reagimit,”– u shpreh Rama dhe më pas ia kaloi fjalën ministres së mbrojtjes Olta Xhaçka.
