Gjykata e Krimeve të Rënda lënë në burg dy zyrtarët e policisë Haki Hasanbegaj, me detyrw Shef i Rendit në Drejtorinë e Policisë së Qarkut, Vlorë dhe Gani Abazi, me detyrë Shef i Specialistëve të Zonave në Komisariatin e Policisë, Tepelenë.
Në burg ka mbetur edhe Musa Bedinaj, i dyshuar si kultivues e organizator Në bazë të një hetimi të Prokurorisë për Krime të Rënda, dy ditë me parë u lëshuan urdhër-arresti për disa persona, përfshirë edhe punonjës policie, si pjesë e një grupit të strukturuar kriminal, të përfshirë në kultivimin dhe trafikimin e lëndëve narkotike.
Prokuroria për Krime të Rënda ka zhvilluar hetimin për këta persona, të cilëve, pak muaj më parë iu sekuestrua një sasi shumë e madhe lënde narkotike kanabis sativa, e mbjellë në fshatra të ndryshëm të Vlorës, kryesisht në Vezhdanisht dhe Treblovë. Gjithashtu, këtij grupi i janë sekuestruar edhe rreth 2 ton kanabis në Tepelenë.
