Trajneri i Barçës i përgjigjet shefit të PSG-së: Do t’i thosha po transferimit të Neymarit apo Mbappes

Trajneri i Barcelonës, Ronald Koeman, i është përgjigjur komenteve të drejtorit sportiv të Paris Saint-Germain, Leonardo, për Lionel Messin, duke thënë se po ta aprovonte blerjen e Neymarit apo Kylian Mbappes. Thuhet se PSG-ja është e etur për ta sjellë Messin në kryeqytetin francez në fund të këtij sezoni, duke qenë në marrëveshja e argjentinasit me Barçën mbaron në bërë. Messi bëri trysni për t’u larguar nga Camp Nou verën e kaluar por u detyrua të qëndrojë të paktën për edhe një sezon dhe ende nuk ka vendosur për të ardhmen afatgjate. Leonardo i nxiti thashethemet për kalimin e 33-vjeçarit në Parc des Princes në fillim të javës, duke thënë për France Football: “Lojtarët e mëdhenj si Messi gjithmonë do të jenë në listën e PSG-së”.
Por Koeman i është përgjigjur atij me të njëjtën monedhë, duke thënë se do të interesohej në blerjen e Neymarit apo Mbappes. “Nëse më pyesni nëse më interesojnë Neymari apo Mbappe, do të thosha po, prandaj është e njëjta gjë”, tha Koeman të mërkurën mbrëma. “Ne nuk e dimë se çfarë do të ndodhë dhe unë nuk mund t’i komentoj ato (thashethemet për largimin e Messit), vetëm e di se ne kërkojmë ta kemi ekipin më të mirë të mundshëm”, shtoi ai.