Prezenca dhe roli i Brojën në ndeshjet e fazës “play-off”, të vlefshme për një biletë në Botëror, mbetet në dyshim të fortë, kjo pasi gjendja dhe forma e tij fizike janë ende të paqarta. Nga Anglia, mediat bëjnë me dije se sulmuesi kuqezi nuk do të jetë në dispozicion të Burnley as këtë fundjavë për takimin kundër Brendford. “Bomberi” kuqezi vijon të ketë shqetësime fizike ku i është dashur të kryej disa injeksione për të larguar dhimbjet.
Trajneri i Burnley, Scott Parker në konferencë për shtyp bëri një përmbledhje të gjendjes së skuadër, ku u ndal pikërisht te lojtarë si Axel Tuanzebe, Broja etj:
“Axel ndoshta është ende disa javë larg. Ai do të bëjë një tjetër injeksion, kështu që është pak larg. Armando ndoshta është në të njëjtën rrugë. Ai sapo ka dalë nga disa injeksione, kështu që është thjesht në nivel të ulët për momentin. Ai do të rifillojë punën e tij, por do të jetë edhe disa javë larg”, u shpreh trajneri i Burnley.
Kjo deklaratë tregon qartë se Broja është ende larg rikthimit në fushë, është ende larg formës së tij më të mirë duke e bërë të qartë situatën e tij, kur do të rikthehet në formën optimale për të qenë një “armë” më shumë në dispozicion të Sylvinho-s për ndeshjen e fazës “play-off” më 26 mars kundër Polonisë.
© BalkanWeb
Për t’u bërë pjesë e grupit “Balkanweb” mjafton të klikoni: Join Group dhe kërkesa do t’ju aprovohet menjëherë.
Grupi Balkanweb
