Diego Pablo Simeone mbetet një nga trajnerët më të mirë në Europë, por jo vetëm kaq, pasi si duket, gjërat në jetën jashtë futbollit po i shkojnë mjaft mirë. Trajneri i Atleticos ka një perandori të vërtetë pasurish të patundshme. Tekniku argjentinas, së bashku me gruan e tij, Carla Pereyra, kanë ndërtuar një rrjet të pabesueshëm pasurish të patundshme në Madrid, që përfshin 180 apartamente dhe 7 pallate. Carpersim SL menaxhon të gjithë rrjetin dhe, siç raportojnë Forbes España dhe El Español, thuhet se ata kanë asete neto prej 40 milionë eurosh. Nga këto, 13.8 milionë euro vijnë nga investime të ndryshme dhe mbi 19 milionë euro nga asete të tjera.
Shkurt, këto janë shifra të konsiderueshme për familjen Cholo, e cila jeton përtej futbollit. Ata kanë investuar në pasuri të patundshme dhe shumica e apartamenteve të tyre ndodhen në qendër të kryeqytetit spanjoll. Çifti themeloi markat “My Location” dhe më vonë “Tres Cantos 1415”.
Ata kanë blerë një truall toke prej një hektari për të ndërtuar dy ndërtesa shtesë dhe 140 apartamente të reja. Është një biznes fitimprurës sepse Simeone dhe gruaja e tij blejnë shtëpi, i rinovojnë dhe i nxjerrin përsëri në treg. Futbolli mbetet diçka që ka të bëjë me karrierën, por me shumë mundësi jo më fitimprurësja e Cholo-s…
