Në Tepelenë po zhvillohen një seri aktivitetesh në kuadër të Javës së Ali Pashës. Sot u bë hapja e sezonit turistik, ndërsa ishte organizuar gjithashtu Panairi i Kulinarisë, Etnografisë dhe Artizanatit. Vizitorë të tij ishin edhe ministrja e Kulturës, Mirela Kumbaro, si dhe deputeti Bledi Çuçi. Teksa Kumbaro e Çuçi po shohin disa bimë medicinale në stendën e një tregtari, ky i fundit i vënë në siklet apo ndoshta nga dëshira për t’i respektuar, u thotë deputetëve që i kanë dhuratë ato çfarë do të marrin. Por Kumbaro e Çuçi nuk e kanë aprovuar propozimin e tij. Sidoqoftë, nga ajo çfarë shihet në videon e publikuar në faqen e Bashkisë Tepelenë, lekët tregtarit ia ka paguar kryebashkiaku Tërmet Peçi. Në pamje duket Peçi duke i futur poshtë këmishës një kartmonedhë tregtarit. Shihni videon duke nisur në momentin 0:43 sekonda…
© ArgjiroLajm.net
