Deputeti demokrat Tritan Shehu shprehu sot dëshirën e tij, shpresat dhe besimin, për një zgjim të vëmendjes popullore për t’iu kundërvënë qeverisjes në pushtet, të cilën e etiketoi si regjim. Shehu përforcoi një mendim lidhur me protestën e thirrur nga opozita më 11 shkurt në Tiranë:
“Unë pres vetëm një shtim të interesit popullor për t’iu kundërvënë regjimit. Unë pres një forcë akoma më të madhe popullore për t’iu kundërvënë regjimit, sepse njerëzit po e kuptojnë dhe e kanë kuptuar qartësisht se ky regjin luftohet me kryengritja popullore, sepse ky regjim kërkon të godasë edhe atë që është tempulli i demokracisë – parlamentin, kërkon të shkatërrojë opozitën dhe kërkon të tjetërsojë opozitën. Pra, në këtë mënyrë unë mendoj se njerëzit qartësohen më shumë për rolin e madh që kanë ata vetë në mbrojtjen e parlamentarizmit dhe të demokracisë shqiptare dhe është e drejta e tyre. Kjo lidhet dhe me të drejtat e tyre, me mirëqenien, me nivelin ekonomik, me nivelin social, lidhet me të gjitha… Demokracia nuk është një fjalë ashtu në ajër, demokracia ka “këmbë” konkrete në terren, që lidhen me interesat e çdo individi në vend,” tha Tritan Shehu per emisionin “Kafe shqeto” ne Syri Tv.
