PSG-Bayern Munich është një tjetër finale e parakohshme që rezervon Champions League, një super sfidë që në letër premton spektakël pasi përballë janë dy ekipe që dhurojnë një futboll të bukur ofensivë. Triumfi “dopio” ndaj Real Madrid bën me “krah” Bayern, por kujdes, ekipi i Luis Enrique i sfidon me stofin e kampionëve në fuqi.
Bayern vjen në fazën gjysmëfinale me një “thash” me gola. Jo vetëm në Gjermani, Bayern nuk ndryshoi filozofi as në Champions, në një kohë kur Atalantës i realizuan 10 gola në dy takime, ndërsa 6 gola i shënuan Real Madrid.
Ndryshe nga Bayern, PSG nuk e nisi mirë këtë edicion të Champions League, ku iu desh edhe faza “play-off” për të kaluar grupet, por kur gjërat u bënë serioze ekipi i Luis Enriques dhuroi spektakël. Fillimisht likuiduan Chelsea-n duke i shënuar 8 gola në dy ndeshje, ndërsa ndaj Liverpool ishin perfekte duke fituar të dy takimet me të njëjtin rezultat, 2-0. Në përballjen direkt ndërmjet tyre në këtë edicion, Bayern triumfoi 2-1 brenda në Paris.
Mediat dhe opinioni, shohin Bayern Munich favorit për të shkuar në finale, por me një diferencë shumë të vogël, 51% me 49%. Takimi i parë PSG-Bayern Munich do të luhet në “Parkun e Princave” me 28 prill.
Jo vetëm në raport me PSG, Bayern shihet si favorit edhe në raport me ekipet e tjera të mbetura në valle për të triumfuar në këtë edicion. Me 35%, Bayern renditet në vendin e parë, i ndjekur nga PSG me 30%, ndërsa Arsenal vlerësohet me 20% shanse për të fituar Champions League. Mbyll këtë klasifikim, Atletico Madrid me 15% shanse për të fituar.
© BalkanWeb
Për t’u bërë pjesë e grupit “Balkanweb” mjafton të klikoni: Join Group dhe kërkesa do t’ju aprovohet menjëherë.
Grupi Balkanweb
