Lajme të hidhur në shtëpinë e Barcelonës pak ditë përpara “El Calsico” kundër Real Madrid. Lewandowski rikthehet i dëmtuar nga grumbullimi me përfaqësuesen polake. “Bomberi” i Barçës ka pësuar një tërheqje muskulore në bicepsin femoral të kofshës së majtë, një dëmtim që pritet ta mbajë jashtë fushës së lojës për të paktën 4 javë.
Në këtë mënyrë, Leva humbet super sfidën me Real Madrid në program për t’u zhvilluar më 26 tetor. Leva u dëmtua në takimin kundër Lituanisë ku qëndroi në fushë për 90 minuta dhe shënoi 2 gola. Dëmtimi i polakut është i fundit në radhë pasi më herët Hansi Flick humbi edhe shërbimet e Dani Olmos si pasojë e një dëmtimi në këmbën e majtë me ekipin e Spanjës.
Ndërkohë në dyshim të fortë mbetet edhe Raphinha, prezenca e tij në “El Clasico” nuk është e sigurt.
(BalkanWeb)
© BalkanWeb
Për t’u bërë pjesë e grupit “Balkanweb” mjafton të klikoni: Join Group dhe kërkesa do t’ju aprovohet menjëherë.
Grupi Balkanweb
