Te Juventus, presioni është i lartë në këtë fazë delikate të sezonit. Pas barazimit zhgënjyes në debutimin në Champions League, skuadra e Tudor nuk mund të lejojë më hapa fals në Evropë. Por as në kampionat, ku në fundjavë i pret përballja direkte me Milanin, kryesues i Serisë A dhe i drejtuar nga ish-trajneri Max Allegri.
Për këtë arsye, menaxhimi i forcave bëhet thelbësor. Në transfertën ndaj Villarrealit priten disa ndryshime në formacion. Bremer mund të pushojë pas një periudhe me ngarkesë të lartë, ndërsa Cabal, i kthyer me gol ndaj Atalantës, është gati të marrë një fanellë titullari.
Në mesfushë pritet të nisë McKennie në vend të Thuram, ndërsa Yildiz mund të lërë vendin për David, i cili do të mbështetet nga Conceiçao dhe Zhegrova.
Qëllimi është i qartë: të mbërrijnë me energji të plota në sfidën ndaj Milanit, ku do të rikthehen titullarë emra si Bremer, Koopmeiners, Openda dhe Vlahovic.
Tudor ka në dorë një skuadër të plotë dhe të thellë, dhe në këtë moment të sezonit, kjo është një armë vendimtare për të përballuar dy sfida të njëpasnjëshme në nivelin më të lartë.
© BalkanWeb
