Ministrja e Shëndetësisë dhe Mbrojtjes Sociale, Ogerta Manastirliu, ka reaguar pas vdekjes së mjekut pneumolog, Rustem Keko, i cili humbi betejën me koronavirusin. Përmes një postimi në rrjetet sociale, Manastirliu shkruan se Keko i dedikoi jetën spitalit të Përmetit, ku shërbeu për 50 vite.
Mesazhi i ministres Manastirliu:
Dr. Rustem Keko i dedikoi jetën spitalit të #Përmetit, ku shërbeu për 50 vite, deri pak ditë më parë kur u shtrua në spitalin infektiv si pasojë e #COVID19. Virusi i pabesë nuk e kurseu mjekun pneumolog, megjithë kujdesin e stafit mjekësor të spitalit #COVID1, duke lënë një dhimbje të madhe për familjen e dr. Rustemit dhe një boshllëk të pazëvendësueshëm për spitalin e Përmetit e për përmetarët, të cilëve u shërbeu me përkushtim. U prehsh në paqe dr. Rustemi
