Dalin në dritë të tjera detaje lidhur me priftin në Greqi, i cili u arrestua pasditen e të enjtes përpërdhunim të të miturve dhe pornografi. Prifti nga Kato Patisia, baba i tre fëmijëve, dyshohet se ka abuzuar seksualisht me një 17-vjeçare nga fundi i vitit 2019 deri në mesin e vitit 2020.
Mediat greke përshkruajnë edhe mënyrën e joshjes. I akuzuari i ishte afruar të miturës në katekizëm dhe ishte paraqitur si mbrojtësi absolut i saj.
“Pas Zotit jam unë për ju. Unë jam prindërit e tu, miku juaj, mësuesi juaj, gjithçka” .
Me këto fjalë, siç sqarojnë burime të mirëinformuara, prifti krijoi tek vajza një ndjenjë sigurie dhe besimi.
“Ai i kërkoi asaj t’i dërgonte foto pornografike. Ai i dërgoi asaj edhe pjesë të ndryshme të trupit dhe i kërkoi të ruante marrëdhënien që kishin krijuar mes tyre”, vunë në dukje të njëjtat burime.
Mirëpo, veprimi i tij përfundoi kur e mitura kuptoi se ajo që kishte ndodhur mes saj dhe të akuzuarit ishte e gabuar dhe nuk mund të vazhdonte.
Gjendja e saj psikologjike u përkeqësua dhe ajo arriti në pikën e tronditjes së të fikëtit.
Drejtuestë policisë flasin edhe për raste të tjera të të miturve për të cilët ka të dhëna se kanë qenë të lidhur me personin në fjalë.
“Hetimi është në vazhdim dhe ka mundësi që të lindin raste të tjera me vajza që kishin rënë në rrjetat e tij ”.
Prifti u ndoq penalisht për një sërë akuzash të rënda, duke përfshirë përdhunimin, sjelljen e pahijshme, joshjen e të miturit dhe pornografinë.
Të martën ai do të dalë para gjykatës.Ndërkohë me vendim të kryepeshkopit prifti është pezulluar dhe kisha paralel me drejtësinë ka nisur një hetim ndaj tij.