Vazhdimisht studentë nga hapësira mbarëshqiptare në rajon zgjedhin të vijnë në Universitetin “Eqrem Çabej” në Gjirokastër. Nga Lugina e Preshevës gjithashtu ka pasur vazhdimisht të tillë. Për vitin e ri akademik që nis në tetor të parët janë Valbona dhe Halimi
“Mirëseardhëm sot studentët e parë të Luginës së Preshevës. Valbona dhe Halimi kanë zgjedhur të jenë pjesë e familjes së UGJ, ndërsa të tjerë të rinj bashkëkombas presim të na bashkohen”, shkruhet në faqen e Universitetit të Gjirokastrës në Facebook.
Pavarësisht uljes së përgjithshme të numrit të studentëve, në disa programe të veçanta si Mësuesia, Infermieria etj, ky universitet vijon të jetë i kërkuar nga të rinjtë kryesisht në zonat e jugut të vendit, por edhe nga qytete të tjera të Shqipërisë. ©Argjiroja.net
