Një ngjarje e rëndë është regjistruar në fshatin Çiflig, ku një konflikt mes fqinjëve ka marrë përmasa të papritura.
Specialistët për Hetimin e Krimeve në Stacionin e Policisë Livadhja kanë referuar materialet në Prokurori dhe kanë nisur procedimin penal për shtetasin A. P., 65 vjeç, banues në këtë fshat. Procedimi erdhi pas kallëzimit të bërë nga shtetasi S. E., i cili denoncoi se fqiu i tij kishte vendosur ushqim të helmuar me qëllim eliminimin e dhelprave, por ky helm u konsumua nga dy qentë e tij.
Fatkeqësisht, kafshët nuk arritën të mbijetonin dhe ngordhën si pasojë e helmimit.
Materialet iu referuan Prokurorisë Sarandë për veprime të mëtejshme procedurale, ndërsa hetimet vijojnë për zbardhjen e plotë të rrethanave të ngjarjes.
