Inaldo Dalipaj është vetëm 11 vjeç dhe me shqetësime të spektrit të autizmit. Me një situatë të vështirë ekonomike dhe mungesës së orientimit të duhur për mjekimin e fëmijës së tyre, familjarët e 11-vjeçarit pohojnë se e kanë të vështirë të kujdesen për të.
Ata kërkojnë ndihmë nga shteti pasi sipas tyre djali çdo ditë që kalon bëhet edhe më i dhunshëm.
Në Përmet numërohen rreth 15 fëmijë të spektrit autik, ndërsa po kaq të tjerë ka edhe në Këlcyrë. Psikologu Lorenc Barjamaj shprehet se ende te prindërit mungon ndërgjegjësimi për të pranuar këtë sëmundje.
E vetmja qendër trajtimi për këta fëmijë ndodhet në Gjirokastër ku trajtohen rreth 40 fëmijë nga i gjithë qarku, ndërsa një pjese të mirë të fëmijëve u mohohet ky trajtim si pasojë e vështirësive ekonomike dhe mungesës së transportit.
