Ndeshja mes Flamurtari dhe Elbasanit nuk ka përfunduar vetëm në fushën e lojës.
Pas mbylljes së sfidës, një provokim i kapitenit të Elbasanit, Musta ka sjellë një situatë të tensionuar dhe perplasje mes lojtarevë, madje janë përfshirë edhe tifozët në hollin e stadiumit të Vlorës. Për të qetësuar gjithçka, është dashur ndërhyerja e forcave të policisë.
Skuadra e Elbasanit është larguar nga stadiumi “Flamurtari” më vonë nga çfarë ndodh zakonisht, pasi është dashur të pritet pak.
Policia e Vlorës do të bëjë shoqërimin e ekipit deri në Levan, aty më pas autobusin e Elbasanit do ta shoqëroje një patrullë e Fierit deri ne daljen e Lushnjës, për të shmangur ndonjë incident të mundshëm. Ndeshja Flamurtari-Elbasani përfundoi 1-2.
© BalkanWeb
Për t’u bërë pjesë e grupit “Balkanweb” mjafton të klikoni: Join Group dhe kërkesa do t’ju aprovohet menjëherë.
Grupi Balkanweb
