Një event i madh do të organizohet mes datave 4 dhe 6 tetor në Gjirokastër. “Gjiro Air Show” përfshin një sërë aktivitetesh ku më kryesoret janë natyrisht fluturimet nga pista e aeroportit të Gjirokastrës.
Pista e aeroportit hapet për herë parë pas rreth 5 vitesh kur e mbylli Ministria e Mbrojtjes për të penguar avionët e vegjël që përdoreshin nga trafikantët për të ngarkuar kanabis. Aktualisht në pistën e aeroportit po punohet për përgatitjen e terrenit. Argjirolajm.net sjell pamje të mjeteve të punës.
Eventi në javën e parë të tetorit organizohet nga Federata Shqiptare e Aeronautikës, Bashkia Gjirokastër dhe Forcat e Armatosura të Shqipërisë. Aktualisht kanë nisur përgatitjet në pistën e aeroportit të Gjirokastrës për të pritur këtë event. Një spot promovues për këtë event ka shpërndarë edhe kryebashkiaku Flamur Golemi.
