Pjesë e operacionit në Durrës për të gjetur njerëz nën rrënojat e tërmetit, janë edhe disa zjarrfikës nga Gjirokastra. Kryebashkiaku Flamur Golemi ka publikuar një video nga momenti i ndërhyrjes së tyre në një pallat, si dhe bën thirrje për solidaritet me këtë tragjedi shqiptare.
Forcat zjarrfikëse nga Gjirokastra pjesë e operacionit të përbashkët të kërkim-shpëtimit në Durrës dhe zonat përreth që u goditën nga tërmeti apokaliptik. Për fat të keq kemi jetë të humbura, por ky nuk është momenti të derdhim më shumë lot sesa të solidarizohemi dhe të bashkojmë forcat për të shpëtuar ata që ndodhen ende nën rrënoja, si dhe të ndihmojmë këdo që ka nevojë për ne. Ky është një moment dramatik për të gjithë shqiptarët pavarësisht se dëmet më të shumta janë lokalizuar vetëm në disa zona. Le të shpresojmë që natyra do e ndalë me kaq zemërimin dhe Zoti do të vëjë dorë mbi jetët njerëzore. Ngushëllime për ata që humbën të dashurit e tyre. Qoftë me kaq!
