2020 është një vit i rëndësishëm për Gjirokastrën. Qyteti i gurtë mirëpret Festivalin Folklorik Kombëtar. Në korrik të këtij viti Ministria e Kulturës publikoi konkursin për realizimin e logos së festivalit. Aplikimet qëndruan të hapura deri më 15 shtator 2019.
Në përfundim fitues i konkursit u shpall Klejdi Domi. “Imazhi i logos do të publikohet në ceremoninë e lançimit të Festivalit”, njofton Ministria e Kulturës. Si gjithmonë festivali do të organizohet në muajin maj. Nuk përjashtohet mundësia e shtyrjes për vitin e ardhshëm për shkak të buxhetit të madh që kërkon ky organizim.
Një pjesë e madhe e fondeve të buxhetit të shtetit do të shkojnë në programin e rindërtimit të shtëpive të shkatërruara nga tërmeti.
©argjiroja.net