Zbardhet dëshmia e dy vëllezërve shqiptarë që vranë dy ditë më parë kushëririn e tyre 28 vjeçar në Greqi.
Sipas mediave greke, ata kanë pretenduar se ishin abuzuar seksualisht nga 28 vjeçari kur kishin qenë të vegjël, 4 dhe 6 vjeç. Në dëshminë e tij, 19 vjeçari ka rrëfyer më shumë detaje.
“Ne kemi lindur në Greqi, por kur unë isha 6 vjeç (dhe vëllai im ishte 4 vjeç) ne u larguam si familje dhe jetuam për dy vjet në Shqipëri. Edhe kushëriri im ishte në një shtëpi aty pranë. Ky kushëriri im më ngacmonte seksualisht dhe bëhej më i dhunshëm me kalimin e kohës.
Isha i ri, nuk e kuptoja, por pak nga pak e ndjeva se diçka nuk ishte normale. Këto gjëra ndodhën kur ne ishim atje për ato dy vjet. Më pas u kthyem në Greqi dhe qëndruam në Kypseli.
Që atëherë e tutje u ndjeva sikur isha traumatizuar nga këto ngjarje dhe isha shumë i tërhequr. Kur u bëra 16 vjeç, ndjeva se po e kaloja ngadalë. Ndërkohë nuk kisha folur me askënd për to. Ndërkohë, pashë që edhe vëllai im ishte shumë i tërhequr dhe nuk më fliste dhe mendova se edhe ai e kishte ngacmuar.
Para dy vitesh folëm hapur me vëllain tim dhe ai më konfirmoi se gjatë kohës që ishim në Shqipëri po e ngacmonte. Prindërve u thamë vitin e kaluar në gusht, deri atëherë ata nuk dinin asgjë, por u tronditën kur e njoftuam. Në përgjithësi, të dy menduam se na ka shkatërruar jetën.
Babai im në një moment (tetor 2023) kontaktoi NL dhe e pyeti nëse ishte e vërtetë dhe ai e pranoi dhe tha se ishin gabime që bëjmë ne djemtë. Pas kësaj ai më dërgoi një mesazh për të kërkuar falje për atë që ndodhi në të kaluarën. Të dielën mbrëma ai dërgoi në Instagram që të takoheshim të gjithë bashkë për të biseduar dhe organizuam të takoheshim në Fokionos Negri të hënën 10.07.2024, në orën 20:30-21:00” , thotë 19-vjeçari.
