Ditën e djeshme u akstradua nga SHBA drejt Tiranës, Narbis Goxhaj ose Niko Goxhi, 47 vjeç nga Gjirokastra. Në njoftimin zyrtar të saj policia thoshte se 47-vjeçari kishte kryer më shumë se dy vrasje në vitin 1998, në bashkëpunim, por nuk saktësonte sa kishte vrarë, cilët kishte vrarë, dhe në bashkëpunim me kë (?!).
Newsbomb.al sot, zbardh të plotë krimin e datës 27.07.1998 në lagjen Kushtrimi, në orën 20:15, në Berat. Dy shtetasit Narbis Goxhaj e Markel Muho të hipur në një makinë, nga xhami i makinës kanë qëlluar me armë zjarri në drejtim të lokalit të Shpëtim Cjapit si dhe në drejtim të njerëzve të cilët në ato momente ishin ulur në trotuarin e rrugës. Për pasojë kanë gjetur vdekjen Englant Toska, Gëzim Arapi e Mustafa Ruhja si dhe janë plagosur disa shtetas të tjerë.
Në procesverbalin e datës 28.07. 98 të kqyrjes së vendit të ngjarjes, rezulton se janë gjetur 23 gëzhoja metalike të cilat janë sekuestrua nën cilësinë e provës materiale, një mjet tip “Volvo” me targa PE 0697, nga ku qëlluan dy autorët dhe një automatik i gjetur në makinën “Volvo”.
Gjyqtari i çështjes Agron Valva ka marrë asokohe masën e sigurisë “arrest me burg” për Goxhajn i cili ia ka dalë të arratiset. Në vitin 2003, ai u dënua nga Gjykata e Rrethit Berat me 25 vjet burg për veprat penale “Vrasje me dashje kundër dy apo më shumë personave e kryer në bashkëpunim”, “Trafikimi i armëve dhe municionit”.
Ndërkohë, bashkëpunëtori i tij në krimin e trefishtë Markel muho është arrestuar në vitin 2011 në Greqi dhe është ekstraduar në vitin 2013 në Shqipëri pasi ishte i dënuar gjithashtu nga Gjykata e beratit me 21 vite burg për “vrasje në rrethana të tjera cilësuese”. Tashmë të dy autorët e vrasjes së trefishtë në lagjen Kushtrimi do vuajnë dënimin në qeli./newsbomb.al