Një skemë vjedhjesh seri është zbuluar në Ksamil e Sarandë. Tre autorë nga Elbasani kanë rënë në prangat e Policisë.
Nazmi Liçi, Ani Liçi dhe Erion Bylykbashi kanë vjedhur gjatë muajve qershor, korrik, gusht dhe shtator, 14 hotele dhe banesa.
Por cila ishte skema që përdornin?
Mësohet se tre autorët kamufloheshin si pushues dhe prenotonin për 2-3 ditë në hotele. Ata gjatë këtyre ditëve studionin zonën dhe më pas vidhnin. Pasi merrnin sende personale apo para ata ktheheshin në Elbasan, qëndronin një javë dhe ktheheshin sërish në bregdet.
Për të vjedhur ata përdornin një automjet tip “BMW” i cili është sekuestruar tashmë. Dy prej tyre ishin të njohur për Policinë pasi kanë pasur precedentë të mëparshëm kriminalë.
