Komisioni Qendror i Zgjedhjeve ka regjistruar 10 partitë e para për zgjedhjet parlamentare të 25 prillit. Mes partive të regjistruara janë Lëvizja për Ndryshim e Jozefina Topallit dhe ajo e Myslim Murrizit, Lëvizja Demokratike Shqiptare. Po ashtu, KQZ pranoi sot të autorizojë mbledhjen e firmave për dy kandidatë të pavarur. Pal Shkambi në Shkodër dhe Plarent Aleksi në Berat.
Ndërkohë nuk janë regjistruar ende partitë e mëdha politike, PS, PD dhe LSI.
Partitë e regjistruara:
1-Lëvizja për Ndryshim Jozefina Topalli
2-Lëvizja Demokratike Shqiptare Myslym Murrizi
3-Ora e Shqipërisë Zef Shtjefni
4-Aleanca Demokratike Shqiptare Eduart Abazi
5-Bindja Demokratike Astrit Patozi
6-Lëvizja e Legalitetit Shpëtim Axhani
7-Partia Drejtësi, Integrim dhe Unitet Shpëtim Idrizi
8-Balli Komëtar Adriatik Alimadhi
9-Partia Emigracioni Shqiptar Kostaq Papa
10-Partia e Reformave Demokratike Krenar Rryçi
Kandidatët e pavarur
1-Pal Shkambi I pavarur, Shkodër
2-Plarent Aleksi I pavarur, Berat
