Teksa procesi i numërimit të votave s’ka nisur ende, Flamur Golemi ka bërë një reagim në faqen e tij në Facebook. Duke publikuar një foto me të birin kur po votonte, Golemi shkruan se PS ka marrë një mbështetje të jashtëzkonshme, më të madhe se në vitin 2017. Postimi i tij i plotë.
Ju pata thënë sot se kjo kishte për të qenë një ditë e bukur dhe e tillë rezultoi. Ia dolëm së bashku të bëheshim protagonistë të ndryshimit të madh për të cilin ka nevojë Gjirokastra. Nga të dhënat e para, duke u nisur vetëm nga pjesëmarrja, besoj se kemi marrë vota më shumë sesa PS fitoi në zgjedhjet e vitit 2017. Edhe kundërshtarë të kishim në këtë garë, sërish ne do të ishim fitues.
Ne sepse jemi më të mirët dhe sepse kemi treguar në çdo rast që s’na lidh asgjë me ata që duan ta mbajnë peng këtë vend. Unë kam veç falenderime për ata që dolën sot në votime si qytetarë të lirë dhe shprehën vullnetin e tyre në një klimë të pazakontë politike. Vota juaj sot ishte përgjigjja më e mirë edhe për ata që prej muajsh duan ta fusin Shqipërinë në qorrsokak. Nuk ia dolën dhe as kanë për t’ia dalë. Më vjen keq për ata që nuk dolën të votojnë. Ata humbën mundësinë për të lenë shenjë në këtë fitore historike që i duhej GJirokastrës. Sidoqoftë unë do të jem edhe kryebashkiaku tyre.
Do të jem kryebashkiaku i të gjithëve siç kam qenë mjeku i të gjithëve. Faleminderit komisionerëve, punonjësve të policisë së shtetit dhe gjithë atyre që u angazhuan në procesin zgjedhor. Sot fitoi mençuria gjirokastrite, fitoti Shqipëria. Na pret një punë shumë e madhe. Hap pas hapi, ditë pas dite do të jemi sërish bashkë për të shkruar një histori suksesi. Gjirokastra meriton më shumë. Sot shembëm të vjetrën, bashkë do të ngremë të rënë. Faleminderit me zemër.
