Zidane: Benzema është sulmuesi më i mirë francez në histori, është e qartë

Trajneri i Real Madridit, Zinedine Zidane, e ka lartësuar Karim Benzeman si sulmuesin më të mirë francez të të gjitha kohëve, pas dy golave që ai i shënoi për t’ia siguruar madrilenëve një fitore prej 3:1 kundër Athletic Bilbaos të martën. Pavarësisht se Bilbao luajti me një lojtar më pak pothuajse tërë ndeshjen, skuadra e Zidane pati shumë vështirësi të shënojë, derisa Benzema i shfaqi aftësitë e tij mbresëlënëse për të shënuar dy herë, transmeton Gazeta Express.
Falë këtyre tri pikëve, Reali barazohet me pikë me liderët Real Sociedad dhe Atletico Madrid, edhe pse kjo e fundit i ka dy ndeshje më pak të zhvilluara. Pas ndeshjes, Zidane u pyet nëse Benzema është sulmuesi më i mirë francez i të gjitha kohëve.
“Për mua, po”, tha Zidane. Ai e ka treguar këtë dhe ka qenë në Real Madrid për një kohë të gjatë. Ai i ka zhvilluar më shumë se 500 ndeshje dhe ka shënuar gola. Në fund të fundit, rekordi i tij flet vetë, shtoi ai. “Për mua, ai është më i miri. Është e qartë”.