Një zjarr i madh ka rënë sot në fshatin Goranxi në Bashkinë Dropull. Sipas informacioneve mësohet se zjarri deri tani ka djegur më shumë se 5 hektarë tokë. Toka e djegur ka qenë me bimësi, por më shumë kullotë për bagëtitë, duke pasur vetëm bar.
Në vend kanë shkuar forca të shumta të zjarrëfikëse, të cilat po luftojnë të vendosin flakët nën kontroll.
Nga zjarri rrezikohet dhe pylli i pishave në Goranxi, i cili është një Moment Natyror. Gjendja deri tani paraqitet e rëndë, pasi flakët janë përhapur në një zonë shumë të madhe.
