Një zjarr ka rënë mbrëmjen e sotme në fushën e fshatit Lazarat, në Gjirokastër, duke rrezikuar përhapjen për shkak të terrenit dhe pranisë së barishteve e shkurreve.
Drejtoria e MZSH-së Gjirokastër u njoftua rreth orës 21:15 për situatën dhe menjëherë dërgoi një grup të shërbimit zjarrfikës drejt vendngjarjes.
Pas mbërritjes, zjarrfikësit konstatuan se flakët kishin përfshirë një sipërfaqe me barishte dhe shkurre. Për shkak të kushteve të terrenit, zjarri paraqiste rrezik për t’u përhapur në sipërfaqe më të madhe.
Falë ndërhyrjes së menjëhershme dhe veprimeve të shpejta të shërbimit zjarrfikës, zjarri u izolua dhe u shua plotësisht.
Nga ngjarja nuk pati dëme materiale apo persona të lënduar.
