Zjarri në Tepelenë që ra mbrëmjen e së dielës ka shkrumbuar plot 12 hektarë shkurre.
Dëme të konsiderueshme ka pasur edhe në dru frutorë ku janë djegur 120 pemë ulliri.
Fat të trishtë kanë pasur edhe 100 koshere me bletë që janë djegur si pasojë e flakëve.
Forcat zjarrëfikëse, ushtria dhe operacionet me helikopter nga ajri bënë të mundur lokalizimin e flakëve, duke shpëtuar kurorën e qytetit.
Sipas emergjencave civile, vatra e zjarrit që u riaktivizua gjatë ditës së djeshme është shuar.
