Një protestë po zhvillohet ditën e sotme para Kryeministrisë kundër ndërtimeve në Zvërnec.
Kjo është protesta e dytë që po zhvillohet pas ngjarjeve të ndodhura më 30 maj në Zvërnec, ku pati përplasje mes qyetarëve dhe punonjësve të një shoqërie private sigurie.
Lidhur me këtë çështje ka reaguar edhe kryeministri Edi Rama, ku tha se ngjarjet e ndodhura atje ishin të rënda, ndërsa dënoi dhunën ndaj protestuesit.
Ndër të tjera, Rama u shpreh se shpifjet nga disa anë, përfshirë edhe gazetat greke, e bënë të ndihet sikur ata janë aleatë me shqiptarët ndryshe nga realiteti.
Gjithashtu theksoi se investime të tilla të mëdha janë në të mirën e vendit dhe rrisin Prodhimin e Përgjithshëm Kombëtar.
