Pas pak ditësh bëhet plot një vit nga vrasja e ekstremistit grek Konstantinos Katcifas. Ai u qëllua për vdekje nga forcat RENEA. Por, gjithçka pritet të ndodhë në zonën e Bularatit në 26 tetor. Nga burime konfidenciale është mësuar se autoritet shqiptare kanë dalë me një plan të fortë masash sigurie.
Masat e Agjencive shqiptare të sigurisë do të nisin fillimisht në Kakavijë ku do kalohet me shërbim të përforcuar për të mos lejuar në kufi ekstremistët e shpallur “non grata” si dhe personat me precedentë.
Ndërkohë nga ana tjetër si autoritetet shqiptare ashtu edhe ato greke po bashkëpunojnë në shkëmbimin e informacioneve për shtetasit grekë që do të hyjnë në territorin shqiptar në ceremoninë përkujtimore të 1 vjetorit të vdekjes së Kostandino Kacifas.
Nga të njëjtat burime bëhet e ditur se forcat e Anti-terrorit dhe ato speciale RENEA e FNSH kanë zbarkuar në Gjirokastër për të siguruar rendin publik duke shmangur incidentet apo sjelljet provokuese të ekstremistëve.
Ndërkohë që na ndajnë vetëm dy ditë nga përvjetori i parë i vdekjes së Kacifas kanë reaguar edhe djemtë e forumit “Labëria”, teksa u kërkojnë autoriteteve të marrin masa për 26 tetorin, si dhe do të bëjnë një tubim paqësor në datën 26 në Sheshin e Cerciz Topullit në Gjirokastër.
Konstandinos Kacifas, u vra më 28 tetor gjatë një shkëmbimi zjarresh me forcat RENEA. Ditën e varrimit, në Bularat, erdhën rreth 1500 nacionalistë grekë që e përcollën 35-vjeçarin drejt banesës së fundit të veshur me rroba ushtarake. Vrasja e tij nga forcat RENEA shkaktoi shumë tensione mes Shqipërisë dhe vendit fqinj.
