Andoni Iraola është shumë pranë konfirmimit si trajneri i ri i Liverpool, pasi ka arritur një marrëveshje paraprake për të pasuar holandezin Arne Slot, të shkarkuar nga “The Reds” vetëm pak ditë më parë.
Iraola ka zhvilluar bisedime me drejtorin sportiv të Liverpoolit, Richard Hughes, lidhur me marrjen e drejtimit të ekipit pas shkarkimit të Arne Slot të shtunën.
Siç pritej, negociatat kanë avancuar me shpejtësi dhe trajneri spanjoll pritet të firmosë një kontratë dyvjeçare me ekipin nga Anfield.
Gjatë karrierës së tij si trajner, Iraola ka preferuar vazhdimisht kontrata afatshkurtra, një qasje që duket se do të vazhdojë edhe në aventurën e tij të re te Liverpooli.Në orët në vijim pritet edhe komunikata zyrtare e klubit, lidhur me firmën që tekniku spanjoll do të hedhë mbi kontratë, që do ta bëj atë zyrtarisht trajner të Liverpool.
