Amerikanët do të jenë të partë që do marrin vaksinën kundër Covid-19. Sipas kreut të programit të vaksinave të koronavirusit në SHBA ata do mund ta përfitojmë më 11 dhjetor të 2020-ës.
Dr Moncef Slaoui tha për CNN se plani ishte që të “dërgojë vaksina në vendet e imunizimit brenda 24 orësh” pasi një vaksinë të miratohet.
SHBA ka regjistruar më shumë se 12 milion raste dhe 255,000 vdekje, sipas të dhënave nga Universiteti Johns Hopkins.
Kompania farmaceutike amerikane Pfizer dhe partneri i saj BioNTech paraqitën një kërkesë të premten për autorizimin e urgjencës në SHBA të vaksinës së tyre Covid-19.
Të dhënat nga një provë e bërë më para treguan se vaksina mbron 94% të të rriturve mbi 65 vjeç. Pfizer shpreson të prodhojë deri në 50 milion doza në 2020 dhe deri në 1.3 miliardë doza në 2021. Çdo person ka nevojë për dy doza. Një komitet këshillimor i vaksinave të Administratës së Ushqimit dhe Barnave (FDA) është vendosur të takohet më 10 dhjetor për të diskutuar nëse do të autorizojë vaksinën.
Dr Slaoui i tha CNN se vaksina mund të mbyllet “ndoshta dy ditë pas miratimit, në 11 ose 12 Dhjetor”.
Ai tha se vaksina do të shpërndahet bazuar në popullsinë e secilit shtet. Shtetet do të jenë përgjegjëse për të vendosur se kush e merr vaksinën i pari, por rekomandohet që përparësi t’u jepet punonjësve të vijës së parë dhe të moshuarve.
