BILD
Aktualisht kjo është një nga pyetjet më të rëndësishme të njerëzimit: A u prodhua koronavirusi në një institut virologjie në Wuhan? Por kur bëhet fjala për Pekinin, origjina e pandemisë duhet të mbetet e mbuluar përgjithmonë.
Siç zbuloi gazeta ‘Wall Street Journal’, duke cituar raporte të inteligjencës amerikane, tre studiues nga laboratori i Wuhan-it u trajtuan në spital në nëntor të vitit 2019. Disa javë përpara se të bëhen të njohura rastet e para me korona në qytet.
Të mërkurën, presidenti i SHBA, Joe Biden udhëzoi aparatin e shërbimit sektet që të përdorte të gjithë forcat për të përcaktuar origjinën e vërtetë të virusit dhe të paraqiste një raport brenda 90 ditësh.
Gjithmonë e më shumë prova sugjerojnë se pandemia vdekjeprurëse nuk ishte një ngjarje tragjike natyrore. Se virusi korona nuk kaloi papritur nga lakuriqët e natës te njerëzit- por përkundrazi pushtoi botën pas një aksidenti laboratorik në Wuhan.
Por regjimi kinez po lufton ashpër kundër çdo qartësimi.
Ambasadori i Kinës në Uashington tha se Biden ka nisur një fushatë shpifjesh me teori konspirative.
Kjo nuk është gjë e re për profesor Roland Wiesendanger, nga universiteti i Hamburgut. Nano-shkencëtari ka përpiluar qindra prova në favor të tezës së aksidentit laboratorik dhe i publikoi ato në shkurt.
Për gazetën BILD, Wiesendanger shpjegon se si Kina po lufton për të mbuluar të vërtetën. “Pekini ka përndjekur dhe ka burgosur gazetarët që donin të raportonin për lidhjen mes shpërthimit të koronas dhe laboratorit virologjik në Wuhan”.
Të gjithë ata që flasin për teorinë e laboratorit janë etiketuar si racistë dhe konspiracionistë. Kështu ndodhi edhe me ish-presidentin e SHBA, DOnald Trump, i cili tha verën e shkuar se virusi doli nga laboratori.
Profesori nga Hamburgu akuzon edhe shkencëtarët kinezë të laboratorit për manipulim. “Që në shtator 2019, sasi të mëdha të dhënash rreth virusit korona janë zhdukur. Deri më sot nuk është e mundur të shihen se cilat viruse korona po hulumtoheshin së fundmi aty”.
Wiesendanger bën apel për të bërë gjithçka që të zbardhet origjina e vërtetë e virusit korona. “Kjo do të shërbejë si një paralajmërim për njerëzimin: nëse nuk zbardhet e vërteta, atëherë së shpejti do përballemi me katastrofën e radhës”.
