Mediat greke kanë zbardhur të tjera detaje për krimin e rëndë me 4 jetë të humbura. Nga të dhënat e para mësohet se kryefamiljari është nga Shqipëria, ndërsa bashkëshortja e tij është me origjinë rumune. Bashkë me ta të vdekur janë gjetur edhe dy fëmijët e mitur. Familja e mbulur nga gjaku është gjetur nga djali 11-vjecar i familjes, i cili mësohet se gruaja e kishte nga martesa e parë. Argjirolajm.net ka mësuar se shqiptari është me origjinë nga Lushnja. Ai është identifikuar me emrin Armando ndërsa bashkëshortja e tij me emrin Maria. Dyshohet se krimi mund të jetë kryer nga ish-bashkëshorti i gruas së tij rumune. Ngjarja e rende ndodhi në zonën e Andravidës në Ilia. Shihni fotot më poshtë që sjell Argjirolajm.net
