Drejtori i Përgjithshëm i Policisë së Shtetit, Gledis Nano, ka zgjedhur Kakavijën për të dhënë një mesazh në lidhje me arrestimet e SPAK pas hetimit të SHCBA të zhvilluar në pikën kufitare në Morinë ku janë arrestuar 34 punonjës policie të përfshirë në korrupsion.
Nano nga Kakavija ka bërë me dije se ai që në fillim ka pasur si qëllim pastrimin e figurës dhe uniformës së policisë.
“Që në fillim të marrjes së detyrës unë kam synuar dhe i qëndroj fort pastërtisë së figurës së punonjësve të policisë dhe ato që nuk e gjejnë veten le të largohen dhe nuk mund të bëhet pis uniforma nga disa elementë. Inkurajoj të gjithë kolegët për të denoncuar te gjithë personat që abuzojnë me detyrën”, ka thënë ai
