Projekti i qeverisë shqiptare për Parkun Kombëtar të Butrintit, që pritet të mbushë një nga asetet historike dhe kulturore më të mëdha kombëtare me lokale, restorante e hotele ka përplasur sërish sot në Kuvend deputeten e PD Ina Zhupa me ministren e Kulturës Elva Margariti. Deputetja e PD ka denoncuar se fondacioni qe do e menaxhoje pritet te rrise cmimin e biletes, te shtoje tarifa te reja, por dhe te shfrytezoje pasurine tone natyrore per shuma marramendese duke i kthyer buxhetit te shtetit nje shume qesharake tha Zhupa.
Deklarata e Ina Zhupa më Kuvend:
A e dini që Riçard Hoxhes i njohur i famshëm për interesat për të marrë Butrintin që në vitin 1993?
A e dini që në Butrint do të ndërtohet? E dini ju se në Butrint do ndërtohen restorante bare teatro e kinema e këtë mund tua faktoj me dokumente shtetërore që kam arritur ti sigurojë.
U qamë që ish ministrja…nga shiu ramë në breshër meqë nuk i lejonim të ndërtonin një bar kanë menduar t’ja japin privatit e ta betonizojë ai.
Në janar i kanë hequr parkut kombëtar të Butrintit 900 ha nga zonat e mbrojtura që investimet të lejohen dhe jashtë dhe brenda Butrintit.
Fondacioni i krijuar për menaxhimin ka zgjedhur të marrë për menaxhim vetëm zonën A zonën e biletave e zonën ku prodhohet paraja, e jo vetëm që do vendosë çmimin e biletave i cili sigurisht që do rritet e cdo vit mund të rritet deri në 30% por mund të vendosë dhe bileta e tarifa të tjera për aktivitete të tjera.
Pra një minierë ari duke shfrytëzuar pasurinë tonë natyrore, duke kaluar në të ardhura të paktën 50 milionë euro në arkën e një fondacioni privat.
E dini qesharaken? Na premton të na japë 0.5% për buxhetin e shtetit e do e rrisë atë deri në 2 %. Ftoj qytetarët të informohen të reagojmë bashkë na mbështesni në këtë kauzë se Butrinti nuk është mall tregtar.
