Deputeti socialist i Gjirokastrës, Flamur Golemi, ka shpërndarë në faqen e tij në Facebook një mesazh ngushëllues për Farudin Hoxhën, akademikun nga Gjirokastra i cilu u nda nga jeta sot.
“Homazh për një njeri të rrallë, falë të cilit sot kemi disa hidrocentrale dhe vepra hidrike, duke nisur që nga Fierza e deri në Bistricë. Farudin Hoxha mbetet shembulli i profesionistit të shkëlqyer dhe akademikut që diti më së miri t’i shërbente Shqipërisë. Ngushëllime familjarëve dhe shpirti i tij u prehtë në paqe!, shkruan Golemi.
Ngushëllime ka dhënë edhe ministrja e Kulturës, Mirela Kumbaro
“Largohet prej nesh nje Gjirokastrit i mire dhe i ditur, por sidomos nje akademik me plot kuptimin e fjales qe dijen e tij e vuri plotesisht ne sherbim te shoqerise! Lamtumire Fahrudin Hoxha!”, shkruan Kumbaro.
Hoxha, me profesion inxhinier hidroteknik, ka qenë ish-ministër i Ndërtimit dhe projektues i shumë veprave hdiroenergjitike në Shqipëri.
/ArgjiroLajm.net/
