Gjykata e Tiranës shpalli sot të pafajshëm ish-policin, Alban Trimi, i cili u akuzua për pengim të zbardhjes së të vërtetës në vrasjen e Elton Çiços 5 majin e vitit të kaluar.
Trimi ishte prezent në momentin e ekzekutimit të Çiços dhe prokuroria e akuzoi atë se pas vrasjes ka marrë pistoletën e viktimës për t’a fshehur.
Gjatë gjykimit, Trimi e ka mohuar vazhdimisht këtë akuzë. Pas marrjes në shqyrtim të pamjeve filmike nga kamerat e lokalit ku ndodhi ngjarja, në Tiranë, dhe pas eksperimit nga policia shkencore, nuk është zbuluar asgjë konkrete në lidhje me akuzën e ngritur ndaj ish-policit Alban Trimi.
Në pamjet e sjella si provë, nuk dallohet nëse Trimi i merr pistoletën viktimës. Në këto rrethana, gjykata vendosi ta shpallë të pafajshëm ish-efektivin e policisë.
