Një operacion i policisë në Elbasan u finalizua me arrestimin e Enea Bekteshit, i njohur si pjesëtar i bandës ‘Çela’.
Kapja e tij është bërë në shtëpinë e kunatit në Cërrik. Policia i ka gjetur në banesë edhe një sasi të konsiderueshme kanabis sativa.
Enea Bekteshi dyshohet të jetë shoferi i ‘Audit’ të blinduar që goditi makinën e nëndrejtorit të Policisë Elbasan, Gjergj Oshafi, te hyrja e Tregut Agro-Ushqimor.
Gjithashtu dyshohet se ai ka marrë pjesë në disa ngjarje të tjera kriminale në qytetin e Elbasanit.
Për kapjen e tij u angazhuan oficerë të Forcave Operacionale dhe efektivë të policisë së Elbasanit.
Pritet që policia të zbardh më shumë detaje rreth operacionit. Në ditët e ardhshme pritet që operacione të tilla të vazhdojnë në të gjithë vendin.
