Prokuroria e Katanias nuk e ka nën hetim Saimir Tahirin. Vetë deputeti i nisi një kërkesë zyrtare italianëve, nëse ai është i përfshirë në hetimin e tyre për çështjen e Habilajve dhe përgjigja ka qenë negative.
Me këtë përgjigje në dorë, Tahiri ngriti pyetjen: Prokuroria e Katanias nuk ka gjetur asnjë detaj që të nisë një procedim penal ndaj meje, por si ka mundësi që prokuroria jonë, me letra, brenda 48 orëve kërkoi arrestimin tim?
Ish ministri i Brendshëm mohoi edhe njëherë se ishte ai “Saimiri” që përmendej në përgjimet e Moisi Habilajt.
“Aty flitet për një Saimir që ka kamiona. Unë nuk mund të isha edhe bosi edh shoferi i bandës” është shprehur Saimir Tahiri, që ka kërkuar në prokurori hetime intensive.
