Shqipëria po vuan mungesën e mjekeve anesteziste, çka rrezikon moskryerjen edhe të një operacioni të thjeshtë. Shefi i shërbimit të reanimacionit, Ilir Ohri thotë se vendi po përballet me mungesa të mëdha anestezistësh nëpër rrethe, por edhe në Tiranë.
Këta mjeke marrin pagat te ulëta ndërkohë që studimet janë të vështira dhe ato shkojnë deri në 12 vite.
Shumë mjekë anestezistë po ikin nga Shqipëria dhe sipas Ohrit, ata largohen pasi nuk ndihen të vlerësuar financiarisht. Kryetari i shoqatës se anestezi-reanimacionit, Tritan Shehu, jep alarmin se në Shqipëri nuk po kryhen operacione, për shkak të mungesës së anestezisteve.
Nëse nuk merren masa te menjëhershme për të zëvendësuar këta mjekë, vendi do të shkojë në kolaps.
Ne Europë numri i mjekeve anestezistë ka rënë ndjeshëm: sipas mjekëve arsyeja kryesore është vështirësia e kësaj dege, dhe koha e gjatë e studimeve. Por vendet evropiane, këtë problem po e zgjidhin duke marrë mjekët e vendeve jashtë Bashkimit Europian, duke plotësuar nevojat e tyre. /Vizion Plus/
