Vijon puna në blloqet kadastrale në hyrje të Vlorës për kalimin e tokës bujqësore nga përdorim në pronësi.
Sipas Kadastrës Shtetërore, specialistët kujdesen që të kryejnë me përpikmëri:
✅ Kontrollin e detajuar të dokumentacionit referuar përcaktimeve në kuadrin ligjor.
✅ Verifikimet në terren për të përcaktuar me saktësi pozicionin dhe sipërfaqen e parcelave;
✅ Afishimin publik të listave dhe trajtimin e çdo pretendimi apo ankese të qytetarëve.
“Agjencia Shtetërore e Kadastrës është në bashkëpunim të ngushtë me Njësitë e Qeverisjes Vendore, Prefekturat dhe Këshillat Bashkiakë për të siguruar finalizimin e këtij procesi. Pasi kryhet verifikimi dhe shqyrtimi i dokumentacionit, dosjet përfundimtare delegohen për miratim pranë Këshillave Bashkiakë dhe Prefektit. Në përfundim të procedurës administrative, përfituesit pajisen me aktin individual të kalimit në pronësi, pa shpërblim, të tokës bukqësore”, thuhet më tej në vendimin e Kadastrës Shqiptare.
