Duke folur për rritjen e pagave në Kuvend, ministri për Diasporën, Pandeli Majko ia ka thënë në sy kolegut të tij Arben Ahmetaj, se rritja që pretendohet nga qeveria, nuk ka ndonjë ndikim të madh tek familjet në nevojë.
“Këta të Ministrisë së Financave kanë pak qejf që kur flasin për rritje pagash të flasin me përqindje. Thonë po i rrisim me 10 për qind për shembull. Por, 10 për qind për ne që kemi paga të larta i thonë një drekë, kurse për pensionistët apo ata me paga të ulta nuk është më shumë se një kofshë pule, për të mos thënë një krah pule”, tha ndër të tjera Majko.
