Të gjithë gojën mbyllur. Me siguri është strategji e mbrojtjes fakti që ata të mos flasin. Dy shqiptarë të arrestuar me 42 kilogramë drogë marijuanë kanë dalë në gjyq, por nuk kanë thënë asnjë fjalë.
Bëhet fjalë për Gramoz Ismailaj, 28 vjeç banues në Savona dhe e Arkid Sakiu, 28 banues në Tagliamento.
Dy të rinjtë janë arrestuar mbrëmjen e datës 6 dhjetor nga karabinierët e Pordenones në parkingun e një qendre tregtare.
Bashkë me ta janë ndaluar edhe tre italianë nga Brindisi, Pietro Buzzerio, 53 vjeç, Francesco Angelini, 39 vjeç e Domenico Spano, 43 vjeç.
Dje ata kanë dalë para gjykatës, por asnjëri nuk ka pasur dëshirë për të folur, duke qëndruar në heshtje.
