Eksperti i sigurisë Ervin Karamuço ka shpjeguar, për Top Story masat që janë marrë nga njësitë dhe strukturat e vendit për përgatitjen ndaj një sulmi të mundshëm nga Irani. Ai tha se Njësia Antiterror e Policisë së Shtetit është pajisur me dronë të teknologjisë së fundit, të prodhimit amerikan, në kuadër të forcimit të kapaciteteve të sigurisë. Këta dronë janë të pajisur me teknologji termike, duke mundësuar monitorim efektiv si gjatë ditës ashtu edhe natës.
“Nëse do të ketë skenare sulmesh ndaj vendeve që kërkojnë mbrojtje më të lartë, janë marrë dronë të teknologjive të reja te cilat do të përdoren nga ana e njësive dhe strukturave në lidhje me këtë mision që është vendosur tani i ri, edhe në aeroporte dhe ambasada është kujdes i shtuar, me më shumë masa sigurie, është shtuar numri i Forcave të Ndërhyrjes së Shpejtë, forcat Renea, edhe Grupe të tjera që monitorojnë zonat që ata mendojnë se janë zona të kuqe, ku mund te ketë skenare të ndryshëm. Do të bëhen edhe disa testime për kohën e reagimin, por këto janë informacione që nuk ka pse bëhen publike.
Mbaj mend dikur kur madje para se të ndodhtë Gërdeci kanë mbërritur disa eksperte edhe kanë thënë a është e gatshme Tiran që të përballoj tre apo katër ngjarje njëkohësisht?
Këto janë gjera që nuk duhet të shkojnë drejtë një paniku por drejtë një garancie më shumë për sigurinë ku kemi të bëjmë me atë kampin ne famshëm i cili duam apo nuk duam neve është një moment delikat që shikohen ndryshe në kuptomin e qasjes së elementeve të sigurisë dhe rendit në Shqipëri.
Nuk kanë ardhur vetëm dronë, kanë ardhur edhe pajisje të reja vëzhgimi që janë pjesë e të gjithë këtij skenari të mundshëm. Referuar ngjarjes së ndodhur në Stamboll, ka pasur reagime nga të gjitha anët pasi mendohet se mund të ketë celula të fjetura, mund të ketë individë, por ata që analizon me shumë antiterrori janë ujqërit e vetmuar edhe jo celulat, sepse mbahen nën kontroll shumica e tyre.”-tha Karamuço.
Pajisjet e reja pritet të rrisin ndjeshëm aftësinë e Policisë së Shtetit për mbrojtjen e kufijve dhe për gjurmimin e elementëve të dhunshëm, duke forcuar reagimin ndaj kërcënimeve të sigurisë.
