Të enjten nis mosbindja civile, ja rrugët e jugut që do të bllokohen

Ditën e enjte nis mosbinjda civile e shpallur ditën e djeshme nga opozita e bashkuar. Raportohet se disa nga akset kryesore në vend do të bllokohen, si Vora, Fushë-Kruja, Bradasheshi, aksi Lushnje-Fier.Mosbinjda civile përfshin një shumëllojshmëri aktesh protestuese, që nga bllokimi i rrugëve deri tek mospagimi i taksave. Për këtë të fundit kanë bërë thirrje edhe Lulzim Basha, edhe Monika Kryemadhi. Raportohet se Basha, pasditen e sotme, zhvilloi takime të ndara me krerët e degëve, kryetarët demokratë të bashkive si dhe me deputetë të PD-së për të koordinuar aksionin opozitar kundër qeverisë. Kërkesa për mosbindje civile erdhi pas protestës së qytetarëve në “Rrugën e Kombit” që kundërshtonin tarifën e vendosur nga koncesionari.