Ambasadori i BE, Luigi Soreca ka reaguar me anë të një statusi në Twitter lidhur me operacionin “Rruga e Gabuar” , duke e quajtur një operacion të rëndësishëm për policinë në bashkëpunim me partnerët ndërkombëtar. Lufta kundër krimit të organizuar, prioritet për BE-në, shkruan ndër të tjera ai.
Statusi i plotë:
Important operation by @PoliciaeShtetit 🇦🇱 in coop. w/ int partners against people #smuggling towards #EU 🇪🇺Member States and 🇺🇸 and 🇨🇦. Prosecutions/convictions should now follow. Fight against #organisedcrime priority for #EU🇪🇺🇦🇱 https://t.co/W5Zr0wZwrE
— Luigi Soreca🇪🇺 (@LSorecaEU) February 3, 2019
Kujtojmë se policia e Shtetit arrestoi 32 persona, mes tyre dhe një punonjës policie dhe shpalli në kërkim 4 të tjerë, si pjesë të një grupi kriminal që pajisnin qytetarë me dokumente të falsifikuara dhe i kalonin në mënyrë të paligjshme në vendet europiane dhe jo vetëm.
Operacioni i Policisë filloi në orët e para të mëngjesit të djeshëm, për t’u finalizuar në orët e pasdites me arrestimin e një pjese prej tyre, sekuestrimin e laboratorëve dhe një shume të konsiderueshme parash. Në operacionin e koduar “Rruga e gabuar” kanë marrë pjesë edhe përfaqësues të organeve ligjzbatuese amerikane, të atashuara në ambasadën e SHBA-ve në Tiranë.
