Partia Socialiste do të publikojë së shpejti listën e plotë me 61 kandidatët për kryetarë bashkie, por kryeministri Edi Rama i ka konfirmuar shumë prej tyre që nga Kongresi i PS-së e deri te takimet e përjavshme nëpër rrethe.
Erion Veliaj, Sotiraq Filo në Korçë, Dritan Leli në Vlorë, Armando Subashi në Fier, Pjerin Ndreu në Lezhë dhe Majlinda Bufi në Roskovec janë konfirmuar që në Kongresin e Partisë Socialiste. Më tej, Rama ka konfirmuar Safet Gjicin në Kukës, Fredi Kokoneshi në Divjakë, Arif Tafani në Belsh, Tërmet Peçi në Tepelenë, Ndrec Dedaj në Mirditë, Kastriot Gurra në Librazhd, Ervin Demo në Berat dhe Tonin Marinaj në Malësinë e Madhe.
Dy prefektët e Shkodrës dhe Elbasanit, përkatësisht Gledian Llatja dhe Valdrin Pjetri do të kandidojnë gjithashtu për bashkitë.
Gjithashtu pritet që Rakip Suli të lërë mandatin për të kandiduar në Kamëz, Ilir Xhangolli në Pogradec, Flamur Golemi në Gjirokastër dhe Nuri Belba në Prrenjas.
13 maji është afati i fundit i regjistrimit të kandidatëve në Komisionin Qendror të zgjedhjeve dhe emrat e tyre pritet të zyrtarizohen në mbledhjen Asamblesë së Partisë Socialiste që do të zhvillohet javën e dytë të muajit maj.
