Në kuadër të masave për garantimin e sigurisë ushqimore Autoriteti Kombëtar i Ushqimit (AKU) në datat 27 dhe 29 prill ndërmori aksione në terren në qytetet Fier dhe Berat.
Kontrolli u ushtrua në Pikat e Grumbullimit të Perimeve dhe Frutave dhe u koordinua nga Drejtori i Menaxhimit dhe Inspektimit, Sefer Sefa.
Janë inspektuar një sërë subjektesh duke u marrëmostra për analizim në laborator për mbetjet pesticide dhe për rastet kur është konstatuar mos përmbushje e kërkesave ligjore, inspektorët kanë marrë masa administrative ndaj subjekteve. Shkeljet e konstatuara kishin të bënin kryesisht me mangësi në dokumentacionin për gjurmueshmërine e produktit.
AKU konkludon se perimet e prodhuara nga fermerët e Myzeqesë dhe kudo në vend janë brenda parametrave të sigurisë dhe standardeve ushqimore bashëkohore.
Gjithashtu janë brenda parametrave të sigurisë të kërkuar nga vendet e BE-së dhe kjo vërehet nga rritja e eksporteve të fruta-perimeve drejt vendeve si Greqia, Italia dhe vende të tjera evropiane.
Autoriteti Kombëtar i Ushqimit i bën thirrje qytetarëve që të denoncojnë menjëherë çdo subjekt që abuzon dhe cenon sigurinë ushqimore. Bashkohuni me AKU-në në betejën për të garantuar sigurinë ushqimore! Denonconi në [email protected], numrin e gjelbër pa pagese 08007575 ose në rrjetet sociale.
