E rëndë/ Emigrantin shqiptar në Greqi e zë poshtë traktori teksa punonte tokën

Një ngjarje tragjike ka ndodhur në Greqi. Një emigrant shqiptar 41-vjeçar ka vdekur teksa po punonte me traktor tokën e një shtetasi grek. Ngjarja ka ndodhur pasditen e së mërkurës në Nea Potidea, Halkidiki. Sipas mediave greke, rreth orës 19:00 ai po rregullonte me duar frezën e traktorit. Por në kushte ende të panjohura freza nisi të lëvizte dhe tërhoqi poshtë duke i shkaktuar vdekjen. Ishte pronari i tokës që njoftoi menjëherë ambulancën dhe policinë. Shqiptari u dërgua menjëherë në spital, por nuk arriti t’i mbijetojë plagëve të marra.